காஞ்சி மாவட்ட செயலாளர் சூ.க.விடுதலைச்செழியன் அவர்கள் மீது தடியடி நடத்தி கைது, செங்கல்பட்டில் மாபெரும் கண்டன ஆர்ப்பாட்டம் !

விடுதலைச்சிறுத்தைகள் கட்சியின் காஞ்சி மாவட்ட செயலாளர் சூ.க.விடுதலைச்செழியன் அவர்கள் மீது தடியடி நடத்தி கைது செய்த தமிழக அரசின் காவல் துறையைக் கண்டித்து செங்கல்பட்டில் வருகின்ற புதன்கிழமை 13.02.2013 அன்று மாபெரும் கண்டன ஆர்ப்பாட்டம் !

 காஞ்சிபுரம் மாவட்டம், கல்பாக்கம், புதுப்பட்டினம் ராஜா நகர் சுனாமி குடியிருப்பு பகுதி மக்கள் வசிக்கும் வீடுகளை அரசு அகற்றுவதை தடுக்க மக்களை திரட்டி போராடிய விடுதலைச்சிறுத்தைகள் கட்சியின் காஞ்சி மாவட்ட செயலாளர் சூ.க.விடுதலைச்செழியன் அவர்களை தமிழக அரசு காவல்துறையை ஏவி கண்மூடித்தனமாக தாக்கியுள்ளது. இதில் மாவட்ட செயலாளர் சூ.க.விடுதலைச்செழியன் அவர்கள் கடுமையாக தாக்கப்பட்டார்.

மேலும் 15 க்கும் மேற்பட்ட விடுதலைச்சிறுத்தைகள் தாக்கப்பட்டு மருத்துவமனையில் சிகிச்சை பெற்று வருகின்றனர்.

மாவட்ட செயலாளர் சூ.க.விடுதலைச்செழியன் அவர்கள் தலைமையில் போராடிய விடுதலைச் சிறுத்தைகள் கட்சியின் காஞ்சி மாவட்ட துணை செயலாளர் கிட்டு, வேலு பிரபாகரன், தயாளன் உள்ளிட்ட 9 பேர் மீது வழக்கு பதிவு செய்து கைது செய்யப்பட்டு சிறையில் அடைக்கப்பட்டுள்ளனர்.

இச்சம்பவத்தினைத் தொடர்ந்து தமிழக அரசின் காவல் துறையைக் கண்டித்து காஞ்சி மாவட்டத்தின் சார்பில் செங்கல்பட்டு பேருந்து நிலையம் அருகில் வருகின்ற புதன்கிழமை 13.02.2013 அன்று காலை 10 மணியளவில் கண்டன ஆர்ப்பாட்டம் நடைபெற இருக்கிறது.

ஆர்ப்பாட்டத்தில் கட்சியின் பொருளாளர் முகமது யூசுப் மற்றும் கட்சியன் முன்னணி பொறுப்பாளர்கள் கண்டன உரையாற்றுகிறார்கள். காஞ்சி மாவட்டத்திற்கு உட்பட்ட மாநில, மாவட்ட ஒன்றிய, நகர நிர்வாகிகள் பெருந்திரளான தோழர்களோடு பங்கேற்கவும்.

செய்தி:

ஊடக மையம் - விடுதலைச்சிறுத்தைகள் கட்சி,

காஞ்சிவரம் மாவட்டம்.